Today Revision Shona ibhuku rinopa gadziriro yakakwana yebvunzo kuvadzidzi veShona O Level. Rakanyorwa mushure mekuongorora matambudziko ose ari kusanganikwa navadzidzi pabvunzo. Bhuku iri: rinobata zvese zvinowanikwa mubumbiro rezvidzidzwa zveChiShona reO Level; rakaiswa muzvikamu zvina zvine zvitsauko kuti zvive nyore kutsvaka zvinenge zvichidiwa nemudzidzi panguva iyoyo; rinopa manotsi muChikamu A ezvidzidzo zvose zveChiShona zvinowanikwa muPaper 1 nePaper 2; rinopa chenjedzo yemhosho dzinoda kungwaririrwa; rinopa mazano neyambiro pamapindurirwo emibvunzo yakasiyana-siyana; rinotanga chitsauko choga choga nezvinangwa zvinobatsira mudzidzi kuzviyera akazendamira pazviri; rinopa mapepa akazara ebvunzo dzeShona Paper 1 nePaper 2 senzira yekupa gadziriro yakakwana kumudzidzi; rinopa mhinduro dzezvokuita nebvunzo kuti mudzidzi aone mapindurirwo akanaka emibvunzo, nekutiwo akwanise kuzviyera ari ega; rakashandiswa mutauro wakareruka, uchienderana nedanho reO Level; rinopa ongororo yakadzama yemabhuku akasiyana-siyana euvaranomwe; rinoumba unhu netsika dzinoyemurika, uyewo tsika nemagariro evaShona, kuburikidza neuvaranomwe nezvimwewo zvidzidzwa zveChiShona zvinoitwa padanho iri.