Sungura na Mwewe ni hadithi yenye mvuto wa kipekee. Hadithi hii inasimulia urafiki wa chanda na pete kati ya Sungura na Mwewe. Hata hivyo, urafiki huu unayumbishwa na hila, tamaa na ubinafsi. Kutokana na ubinafsi huu, mwisho wa hadithi hii unatawaliwa na kilio na majonzi. Je, ni nini kinasababisha ubinafsi huu? Ni nani anayemilikiwa na ubinafsi kiasi cha kusaliti urafiki wa kufa kuzikana? Kitabu hiki kinajumuisha hadithi nyingine zenye msisimko wa aina yake. Tujifunze Pamoja ni msururu wa hadithi zilizoandikwa kwa kuzingatia mtalaa wa umilisi. Lengo la msururu huu ni kumwezesha mwanafunzi kupata ujuzi wa kuimarisha stadi ya kusoma, kukuza maadili yake na kumsaidia katika kufanya maamuzi ya busara maishani.