Ririmi Ra Hina 1 i buku leyi tsariweke ku karhi ku landzeleriwa sibasi ya Xichangana (Xitsonga) leyi nga ni swidyondzo leswi faneke ku endliwa eka ntangha leyi. Buku leyi yi tsariwile hi vutshila lebyi hlohlotelaka vadyondzi leswaku va: - Tsakela ku hlaya no tsala ririmi ra manana. - Xiyaxiya no xopaxopa matshamelo ya vanhu va le migangeni ya ka vona. - Tinyingubyisa hi Vutsonga na Vumunhu bya vona. - Kota ku tshama kahle na vanêwana. - Tihandzela vutivi ku nga ri ku yimela ku nyikiwa ntsena. - Twisisa matimu ni ndzhaka ya vona. Swiyenge hinkwaswo swa buku swi nyika ntirho wa ku hlaya, ku tsala, ku vulavula, ku lota miehleketo, ku lavisisa, na ku tihungasa. Matsalelo ya buku leyi ya koka rinoko ra vadyondzi lero swi endla leswaku va tsakisiwa hi dyondzo. Buku leyi yi seketelana na buku ya mudyondzisi leyi pfunaka hi maqhingha yo dyondzisa hawona, migingiriko yinêwana na tinhlamulo ta swivutiso swa buku ya vadyondzi. Tibuku leti havumbirhi ka tona ta dyetana swinene. Buku leyiwani yi kambisisiwile hi va Ndzawulo ya Dyondzo yi tlhela yi pfumeleriwa leswaku yi tirhisiwa eswikolweni.